100 日倒數

頭先多手去睇下個WEBSITE﹐個WEBSITE 有個COUNTER﹐今日正正係 100 Days to go﹐好緊張呀﹗

我D朋友走晒啦﹗

為左影相﹐我D朋友甜甜﹐糖糖﹐英英﹐俊俊﹐青青﹐豪豪去晒做佈景。我好悶呀﹗
兩日前肥熊搬左返來陪我﹐晤知係咪熱得滯﹐佢好似冇以前咁活躍。同佢講大PROJECT D 野佢又冇反應﹐我諗個個男仔都晤係好鐘意傾女仔野。我都係搵甜甜陪我傾餐飽先...

有要求

清清﹐

我記得髮型師姐姐話你做伴娘個日想幫你扎髻﹐你千祈晤好俾佢亂來 ah﹗
髻晤襯你條裙架﹗

Kala

晤開心

我晤係咁鐘意尋日SET 個頭﹐早知晤講係婚紗頭﹐上次我去PARTY佢仲SET得靚D。同埋比髮型師拆散左我個頭花﹐都晤知幾心痛﹐總之就晤開心﹗ 好彩諗住用一次咋﹐晤係仲激鬼死我。下次要有D要求﹐講得清楚D至得。

點解呢度 D 化妝SET 頭師晤明白咩係簡單自然﹐我要D好簡單既野﹐個個都攪到咁複雜。之前個化妝師化到我成隻鬼新娘咁﹐仲老左十年添。我抹都抹晤切﹗我見到佢好有心機幫我化﹐不過真係晤好意思﹐真係晤適合我。

講到尾﹐我係一隻非常之麻煩既樹熊﹐如果碰到一D我自己好清楚想要既野而效果出來相反﹐我會好晤開心。其實我而家最晤開心既係我當時冇清楚表明我既意願﹐諗住信下佢啦﹐原來係晤得既。如果我多D要求﹐多D堅持﹐寧願做一個麻煩客人 ﹐我今日就晤使係呢到發洩啦﹗

不過我要好多謝窩哥哥幫我同牛牛影左咁多靚相﹐同埋我個超級褓母(估晤到你仲犀利過英皇個MANI﹗) 你地兩個要求仲高過我好多﹐有你地兩個監製﹐ 我110%放心同滿意﹐亦非常信任你地既"專業"﹗無言感激﹗