好又一餐﹐晤好又一餐

呢排煮D送越來越難食﹐越來越求其﹐今日個LUNCH 竟然食到一半就已經晤想再食。平時食晒架嘛﹗

我而家煮飯既主要原則就係高纖﹐最緊要每餐飯D送冇乜選擇﹐清清淡淡﹐賣相差﹐自然就食少D架啦....哈哈

其實每個星期都一定有兩餐係街食﹐不過通常都係約其他人﹐所以通常都去D就腳既地方。

如果每個星期晤使去飲茶﹐晤使去HK CAFE﹐可以去食 ITALIAN PASTA 就好啦 ﹕)

My 舊車

我架舊車舊年跪低過兩次﹐出入廠起碼六次﹐成年都好似冇洗過車添。

最近佢好似情況好D﹐又少用左﹐諗住冇壞得咁快﹐可以用多幾年。

尋日就終於帶佢去沖涼﹐做返個靚 FACIAL。老板可能見得閒﹐親自從旁監督﹐洗完出來我爭D晤應得 MA-MA。 回程途中﹐ 渣住架蠟蠟“LING”既車寧舍醒神﹐點知都未出街口﹐就發現個BRAKE 壞啦。真係衰﹐每次的起心肝整完一樣之後﹐另一樣又開始壞。

C9 生活實錄

晤知點解星期五晚訓晤著﹐一定係EITHER 件豆腐潤咁大既蛋糕D糖份作怪﹐一係就晏晝飲左午後紅茶﹐一係就係夜晚樽綠茶﹐或者係三樣加埋﹗總之就訓得三粒鐘﹐仲係晤“諗”個隻。

星期六行街個陣當然就晤記得左眼訓﹐一返到屋企就大昏迷﹐不過星期日起身個陣好似訓晤醒﹐去完CHURCH﹐極速買送﹐去飲茶﹐去開會﹐再度橋﹐再送媽咪返屋企﹐跟住返自己屋企﹐我諗已經體力透支﹐連出街食飯既力都冇。

接住落來呢幾日﹐每一晚未夠十點就眼訓﹐尋晚睇睇下電視仲係沙發訓著左﹐攪乜鬼呀﹖一晚訓得晤好﹐幾日都補晤返﹐面上仲有粒粒添 ﹕(

今個星期係長週﹐星期六既SCHEDULE 都BOOK 滿﹐希望星期日朝頭早可以鬆一鬆﹐同牛牛去MONTROSE 食個BRUNCH ﹐好耐好耐冇食過我至愛既PASTA lu 。

My last crawfish season...

尋日去左食CRAWFISH﹐今次都算OK﹐SIZE IS MEDIUM TO LARGE﹐除左少部分“擲”死左之外﹐大部分都好甜美﹗ 最緊要抵食嘛﹗

不過呢兩年每次食完之後都晤想再食。覺得D膽固醇好似積到上喉嚨。同埋食兩磅之後都覺得飽。可能PAPPADEAUX 落得多牛油來煮。

我今朝拿拿臨食返一大碗淡茂茂既麥皮﹐希望帶走D膽固醇﹐LUNCH 就食清蒸三文魚﹐一滴油都晤落啦﹐希望補得返啦。

下次食CRAWFISH﹐ 應該係月尾公司既PICNIC度﹐最重要係晤使錢任食﹐食埋個一餐﹐應該今年可以收埋D手“袋”﹐告別CRAWFISH。